Harry Potter

بعد مخططات فاشله كثيره ..قدرنا نروح السينما لحضور فلم "Harry Potter 7"
في البدايه الحجز تم في سينما الافنيو عن طريق بطاقة الوطني ..الافنيو كان فاضي وهادي ..لان الطلبه الحلوين عندهم امتحانات ..طبعا الفرحه مو شايلتني لما حصلت موقف خلال 5 دقايق عكس المرات اللي طافت ..كنت لازم ازور جميع الادوار والسراديب وفي النهايه استخدم Valet Parking ..

حضرنا الفلم ...بصرااااحه كان رااائع..
في تطووور كبير من ناحية حبكة القصه والاخراج..يعني صار في علاقه بين السحرا والعالم الخارجي ..صورو بلندن .. وفي اماكن طبيعيه مختلفه بحكم القصه وتنقلاتهم ..حسيت ان اللون الباهت في اجزائه السابقه خف في هذا الجزء..تكلموا عن علاقاتهم الشخصيه ..والارتباطات العائليه..يعني اهتموا بالجزء العاطفي..وبرزو انسانيتهم شوي..

ايضا الشي الحلو..انهم حاولو يجمعون اكبر قدر من شخصيات الفلم باجزائه اللي طافت ..وخاصه دوبي مع ان شكله يخرع الا انه مبين كيوت بسبب شخصيته وصوته..وبين ان اللي يسوي خير يحصله ..اذا احتاج..

سمعت قبل لاينزل بالسينما ان المخرج كان مخطط ان ينزله 3D بس لان الوقت ماساعده وكان ملزم بتاريخ 15/11 اضطر ان ينزله .2D ...اللي حضر الفلم راح يحس انه مهيأ ان يكون 3D ...لان في مشاهد تحس انها بتطلع من الشاشه....<< خاصه مشهد الحيه


متشووووقه للجزء الاخير بارت 2 ...وناطرته هالصيفيه


بالاخير...تعشينا في  le notre

قعدنا بره ...الجو كان عجيب ..لدرجة ماكان ودنا نقوم ..

شوفوا المطر بالحرم المكي

ماشاءالله تبارك الرحمن
اللهم ارزقنا الامطار واغسل بها قلوبنا يارحمن يارحيم




- Posted using BlogPress from my iPhone